Wararka laga helayo Gobolka Bari ayaa sheegaya in wafdigii uu hoggaamineyay madaxweynaha Soomaaliya uu goor dhoweyd gaaray xarunta degmada Qardho ee Gobolka Bari.
Wafdiga adaxweynaha Dowlada Federaalka Soomaaliya Mohamed Abdulaahi Farmaajo waxaa la socda Madaxweynaha Puntland Cabdiweli Maxamed Cali Gaas, madax ka tirsan Puntland iyo ciidamo fara badan, waxaana si diiran loogu dhoweeyay Qardho oo u diyaar garowday.
Dadweyne fara badan ayaa isugu soo baxay soo dhoweynta madaxweyne Farmaajo, wuxuuan barxadda magaalada kula hadlay dadweyne fara badan oo soo dhoweyntiisa isugu yimid.
Madaxweynaha ayaa lagu wadaa inu kulamo la yeesho odayaasha iyo mas’uuliyiinta degmada Qardho oo hadda ka mida Gobol cusub oo Puntland ay ugu magac dartay Karkaar.