Wararka laga helayo Gobolka Sh/Dhexe ayaa sheegaya in weeerar jidgal ah lagu qaaday Gaari ay wateen ciidamada dowladda oo ku socdaalayey Jidka Balcad, inta u dhaxeysa Balcad iyo degaanka Gololleey.
Weerarka ayaa ahaa Miino iyo jidgooyo ay Alshabaab u dhigeen Gaariga ciidamada, waxaana wararku sheegayaan inay qaraxa ku dhinteen askar ku dhow 10. Alshabaab ayaa sheegatay inay qaraxa ku dishay 5 askari, ayna ka furteen 5 Qori.
Gaari kale oo la sheegay inauu gurmad ahaa ayaa la sheegay in la gubay, waxaana hadda soo baxaya faahfaahin weerarka qasaaraha abdan dhaliyey ee Alshabaab ku qaaday ciidamada dowladda ee Gobolka Sh/Dhexe.
Ma jiro wax war ah oo ka soo baxay taliska ciidamada Milateige iyo maamulka Hirshabeele, wuxuuna jidka isku xira Balcad iyo Jowhar ahaa meel ay si joogto Alsahbaab uga fuliso qaraxyo iyo weerarro Jid-gal ah.
LA SOCO WIXII KUSOO KORDHA…