Ra’iisul wasaaraha dalka Itoobiya Abiy Axmed, ayaa ku dhawaaqay Golohiisa Wasiirada Xukuumadda cusub ee dalka Itoobiya oo ka kooban 22 wasiir.
Abiy Ahmed ayaa dib u magacaabay wasiiradii hore qaarkood sida wasiirkii maaliyadda Axmed Shiddo oo xilkiisii kusoo noqday, wuxuuna kusoo daray xukuumadda saddex xubnood oo ahaa hogaamiyayaasha mucaaradka, waxaana xukuumadda cusub maanta ansixiyey Baarlamaanka Federaalka Itoobiya.
Ra’iisal Wasaraha Itoobiya Abiy ayaa Prof. Berhanu Nega, Guddoomiyihii xisbiga Muwaadiniinta Itoobiya ee Caddaaladda Bulshada ou magacaabay Wasiirka Waxbarashada, Belete Molla oo ahaa Guddoomiyihii Dhaqdhaqaaqa Qaranka ee Amxaarada (NMA) aya isna loo magacaabay Wasiirka Hal -abuurka iyo Teknolojiyada, halka Kejela Merdasa oo ahaa Madaxweyne Ku -xigeenkii Jabhadda Xoreynta Oromada (OLF) loo magacaabay Wasiirka Dhaqanka iyo Ciyaaraha.
Madixii KMG ahaa ee dowladda Itoobiya u magacawday maamulkii fashilmay ee Gobolka Tigray Abraham Belay ayaa hadda loo magacaabay Wasiirka Gaashaandhigga Itoobiya.
HOOS KA AKHRISO LIISKA GOLAHA WASIIRADA CUSUB EE ITOOBIYA
1- Demeke Mekonnen Hassen – ku-xigeenka ra’iisul wasaaraha iyo wasiirka arrimaha dibadda
2- Abhrham Belay (PhD) – Wasiirka Difaaca
3- Axmed Shide – Wasiirka Maaliyadda
4- Muferihat Kamil – Wasiirka Horumarinta Magaalooyinka
5- Cumer Hussein Oba – Wasiirka Beeraha
6- Injineer Aisha Mohammed – Wasiirka Horumarinta Waraabka iyo Dhulka Hoose
7- Injineer Habtamu Itefa Geleta – Wasiirka Biyaha iyo Tamarta
8- Professor Birhanu Nega – Wasiirka Waxbarashada
9- Dagmawit Moges – Wasiirka Gaadiidka iyo Saadka
10- Gebremeskel Chala – Wasiirka Ganacsiga iyo Isdhexgalka Gobollada
11- Melaku Alebel – Wasiirka Warshadaha
12- Binalf Andualem – Wasiirka Nabadda
13- Gedewon Timothywos (PhD) – Wasiirka Cadaaladda
14- Dr. Lia Tadesse – Wasiirka Caafimaadka
15- Belete Mola – oo ah Wasiirka Technology-ada iyo hal-abuurka
16- Danjire Nasise Chali – Wasiirka Dalxiiska
17 – Lake Ayalew – Wasiirka Dakhliga
18 Chaltu Sani Ibrahim – Wasiirka Magaalooyinka iyo Kaabayaasha Dhaqaalaha
19- Injineer Takelle Uma Benti – Wasiirka Macdanta iyo Batroolka
20- Kejela Merdasa Tulu – Wasiirka Dhaqanka iyo Ciyaaraha
21- Ergoge Tesfaye (PhD) – Wasiirka Haweenka iyo Arrimaha Bulshada
22- Fitsum Asefa (PhD) – Wasiirka Qorsheynta iyo Horumarinta.
