Ra’iisul wasaaraha xukuumadda federaalka Soomaaliya Xasan Cali Khayre oo guddoomiyey kulankii maanta ee golaha wasiirrada ayaa aamr siiyey xubnaha Golaha Wasiirada xukuumadisa.

Ra’iisal wasaare ayaa faray dhammaan wasiirrada xukuumadda inay ka hor dhammaadka bisha December ee sanadkan 2018 ay dhamaystiraan howlaha uga harsan qorsha hawleedka sannadka xukuumadda Soomaaliya si loogu gudbo qorshayaasha qaran ee sannadka 2019.

Kulanka Golaha wasiirrada ee maanta ayaa sidoo kale lagu soo bandhigay dhammaan warbixinno iyo hal-beegyada tubaha ee qorshuhu ahaa in fulintooda lagu guulaysto sannadkaan dhammaadka ah.