Booliska dalka Spain ee magaalada Barcelona shaacisay shaqsigii ka danbeeyay weerarkii dhiigga badan ku daatay ee loo adeegsaday Baabuur weyn oo la dardarsiiyay dad fara badan oo goob dalxiis ku sugnaa.
Ninka ka danbeeyay falkan ayaa magaciisa lagu sheegay Mussa Oukabir, waana wiil yar oo 18 sano jir ah, laakiin wuxuu sameeyay arrin jahawareer ku noqotay booliska dalkaasi markii uu adeegsaday magaca walaalkiis ka weyn oo lagu magacaabo Idiris Oukabir oo 28 sano jir ah oo loo heystay inuu geystay weerarka.
Mussa oo kasoo jeeda dalka Maroko ayaa kireysay gaariga uu weerarka ku geystay, wuxuuna ku dilay 14 qof iyadoo 100 kale uu ku dhaawacay. Weerarka waxaa sheegtay ururka Daacish. Wiilkan ayaa iminka la la’ yahay meel uu jaan iyo cirib dhigay, waxaana laga raadinayaa dalka Spain iyo dalalka ku dhow.
Booliska Spain ayaa saaka ogaaday ninka falkan geystay aanu ahayn idiris ee uu yahay wallaalkii ka yar oo isagu adeegsaday shaqsiyadda wallaalkii, waxaana idiris oo falkan loo heystay uu noqday in isaguba dhibane ah oo lagu been abuurtay.
Wakaalado