Wasaaradda Arrimaha dibadda Dowladda Itoobiya ayaa khalad si kedis ah u dhacay ku tilmaantay sawir ahaa khariirad (Map) dood xoog leh dhaliyay oo lagu daabacay bogga internet-ka Wsaaradda, kaasoo muujinayay in Somalia lagu daray dalka Itoobiya.
Qoraalka cudurdaarka ah ee Wasaaradda Arrimaha dibadda Itoobiya ayaa lagu yiri “Waxaan ka war helnay in sawir khaldan oo aan la aqbali karin oo muujinaya Khariidadda Afrika inuu si kedis ah kusoo galay bogga internet-ka ee Wasaaradda Arrimaha Dibadda ee Jamhuuriyadda Dimuqraaddiga Federaalka ee Itoobiya. Isla markii aan ogaanay arrintaasi, si deg deg ah ayaan sawirkaas uga bixinnay Website-keena. Fadlan waxaan idin xaqiijineynaa kooxdeena dhinaca ICT-ga ay ka shaqeynayaan hubinta ammaanka Website-ka. Waxaan aad uga xunnahay jahwareer iyo is-faham-darrada ay suurgalka tahay inuu sababay shilkan”.
Soomaalida baraha bulshada adeegsata ayaa si weyn uga dhiidhisay Khariirada ay Itoobiya ku faafisay website-ka Wasaaradda Arrimaha dibadda dalkaasi, taasoo qasab ka dhigtay inay cudurdaar bixiyaan.