Canshuur lagu kordhiyay Qaadka yimaada magaalada Muqdisho ayaa xaalad kacsan iyo sar u kac qiimihiisa ka dhaliyay suuqyada magaalada Muqdisho.
Qaadka ka yimaada Kenya oo hore looga qaadi jiray $11 ayaa hadda laga dhigay canshuurtaasi $14 Qumbuladii, taasoo keenay inay qaadacaan inta badan ganacsatada Qaadka keenta Muqdisho.
Laba diyaaradood oo kaliya ayaa maanta keenay Qaad magaalada Muqdisho, waxaana qiimihiisu noqday mid aad u sareeya, waxaana ganacsatada qaarkeed ay sheegeen inay iibinayaan Qaadkii shalay.
Canshuur kordhintan ayaan la ogeyn cidda soo saartay iyadoo xukuumadii hore ee xilka sii heysa aysan awood heerkan gaarsiisan u lahayn inay tallaabo qaado, laakiin waxaa hore u jiray qorshe abaaraha dartood lagu kordhinayo canshuuraha laga qaado dadka ka dhoofaya Muqdisho.
Goobjooge.com