Faahfaahin dheeraad ah ayaa kasoo baxeysa Qarax  lala beegsaday tareen ka mid ah kuwa London ee dhulka hoostiisa mara.
Qaraxa oo dhacay 08:20 xilliga London, waxaana booliska iyo howlwadeennada caafimaadka ay gaareen goobta uu ka dhacay oo ah boosteejada Parsons Green ee Fulham. Waxaana lasoo weriyay dhowr qof oo ku dhaawacmay.
Booliska la dagaallanka argagixisada ayaa sheegay inay qaraxa ula tacaalayaan inuu yahay “fal argagixiso.” Askar hubaysan ayaa la geeyay goobta uu qaraxa ka dhacay.
Booliska ayaa sheegay in qaraxa loo adeegsaday Bam la dhigay tareenka xilliga ugu mashquulka badan magaalada.
18 qof ayaa la dhigay isbitaallada oo ay haleeleen dhaawacayo iyo gubasho, waxaana weli socda baaritaanka ay wadaan booliska iyo sirdoonka dalkaasi.