Sunday, April 14, 2024

Xogta ku wareegsan Dilka C/Naasir Dahable oo meydkiisa laga helay Gurigiisa Muqdisho

Faahfaahin dheeraad ah ayaa laga helayaa Geerida sarkaal ka tirsanaa Hay’adda Duulimaadka Rayidka Soomaaliyeed oo xalay meydkiisa laga helay Guri uu deganaa oo ku yaala degmada Wadajir ee magaalada Muqdisho.

Sarkaalkan oo lagu magacaabo Cabdinaasir Muuse Dahable ayaa xogta la helay sheegeysaa in dilkiisa uu ahaa mid khaarijin ah oo loo maleegay, waxaana jirkiisa laga helay nabarro sida laga soo xigtay Booliska oo hadda gacanta ku haya baaristiisa.

Qoraal kasoo baxay Booliska Gobolka Banaadir ayaa lagu sheegay in la qabtay 6 ruux oo loo heysto kiiska geerida Cabdinaasir Muuse Cabdiraxmaan, iyadoo xalay fiidkii 06:30 PM uu kiiska gaaray Saldhiga Boliiska Degmada Wadajir ee Gobolka Banaadir, iyadoo meydkiisa loogu tegay meydkiisa oo yaalla gurigii uu dagaanaa oo ku yaala Waaxda Janaraal Daa’uud gaar ahaan Xaafadda Ceel Qalow.

Ad

“Marxuumka ayaa lagu magacaabi jiray Cabdinaasir Muuse Cabdiraxmaan, Ina Mako Nuur Dhimbil 32 Jir ahaa ku dhashay Gebiley waqooyi-Galbeed, Deganaa Degmada Wadajir, kana shaqeyn Jiray Hey’adda Duulista Rayidka ah ee Soomaaliyeed”. ayaa lagu yiri qoraalka Booliska oo intaas ku daray inuu socdo baarista kiiskan.

Aabaha dhalay wiilka Muuse Dahable oo magaalada Hargeysa ayaa codsaday in Meydka Wiilkiisa loo keeno si uu ugu aaso magaalada Hargeysa, uguna samro.

Dhinaca kale siyaasiyiinta kasoo jeeda Somaliland ee ka mida Golayaasha dowladda Federaalka ayaa ka hadlay kiiskan, waxaynaa sheegeen inuu baaritaan socdo, balse ay u muuqato in si ula kac ah loo dilay marxuumka.

- Advertisement -

Ra’iisal wasaare ku xigeenkii hore Xildhibaan Mahadi Guuleed Khadar ayaa sheegay in Dilka Marxuumka uu yahay mid ay dad geysteen, loona baahan yahay in sharciga la horkeeno, hadaana ay socoto baarista Booliska.

Wasiirka Beeraha Xukuumadda Soomaalya Maxamed Cabdi Xayir Maareeye ayaa qoraal uu soo saaray ku sheegay inuu dadaal badan geliyay kiiska Dilka Marxuum Cabdinaasir oo sida uu yiri dad badan cabsi gelisay.

“Xalay waxaan u yeedhay oo ka wareystay dilka Marxuun Cabdinaasir, Taliye Ciidanka Booliska, Taliye Sulub wuxuuna ii sheegay in dilku dhacay, in Ciidanka Baadhista dembiyadu goobta tageen, baadhis Xoog lihina ku socoto meydka marxuunka iyo faraha cidii ugu dambeysay jidhkiisa taabatay, isla markaana la xidhay dhamaan dadkii ay guriga wada deganaayeen Marxuun Cabdinaasir. Talaabooyinka ilaa hada la qaaday iyo sidaa baadhistu u socoto aad baan anigu ugu qancay”.” ayuu qoraalkiisa ku yiri Wasiir Maareeye.

Maamulka Somaliland oo isla xalay markii uu kiisku soo baxay falkan qaab siyaasadeysan uga hadlay ayaa mar kale waxaa shir jaraa’id maanta ku qabtay magaalada Hargeysa mas’uuliyiin uu horkacayo Wasiirka Arrimaha gudaha Somaliland Maxamed Kaahin Axmed, waxayna dowladda Soomaaliya ku eedeeyeen inay ka danbeysay dilka Marxuum C/inaasir Dahable

- Advertisement -

Maxaed Kaahin wuxuu sheegay inay kiiska dilka Marxuum Cabdinaasir Muuse Dahable oo ka tirsanaa Shaqaalaha Hawada ee Soomaaliya ku tuhunsan yihiin dowladda Somaliya, isagoo sabab uga dhigay in Hay’addaha Amniga ee Dowladda Soomaaliya ay maalmihii lasoo dhaafay u soo hanjabayeen Shaqaalaha duulimaadka rayidka ka shaqeeya ee ku sugan magaalada Hargeysa, sabab la xariirta arrimaha Hawada la isku khilaafsan yahay.

Warar Xul ah

NAGULA SAAXIIB BARAHA BULSHADA: Like Saar

161,065FansLike
2,523FollowersFollow
5,990FollowersFollow

NAGU SOO BIIR

161,065FansLike
2,523FollowersFollow
5,988FollowersFollow

TOP NEWS

XOGAHA QARSOON