Guddiyadda Difaaca iyo Arrimaha Gudaha iyo Amniga ee Golaha Shacabka ayaa maanta kulan la yeeshay Wasiirada Gaashandhiga iyo Amniga oo ay wehliyaan Saraakiisha Hay’adaha Amaanka ee hoos taga.

Markii kulanku furmay ayaa la sheegay inay ka cudurdaarteen mas’uuliyiintii Wasaaradda Amniga iyo Taliyeyaasha Ciidamada Booliska iyo Nabadsugidda oo sheegay inaysan diyaar u ahayn warbixin ay siiyaan Guddiga Baarlamaanka, waxaana dib loogu dhigay kulan kale.

Guddoomiyaha Guddiga Xildhibaan Xuseen Carab Ciise ayaa sheegay inay warbixin ka dhageysteen Wasiirka Gaashaadhigga iyo Taliyaha ciidamada xoogga, iyadoo arrimaha laga wareystay ay ka mid tahay tirada ciidamada, qaabka howlgallada, mushaarka iyo saadka, isla markaana ay Baarlamaanka u gudbin doonaan marka ay soo dhameystirmaan warbixinta laga sugayo Wasaaradda Amniga.