Wafdigii dowladda Soomaaliya ee dhowaan kasoo laabtay Gobolka Gedo ayaa sheegay in Silliga ay Kenya marineyso xuduudka uu dhinaceeda mariyey guryo ay Soomaalida leedahay oo ku dhow 100 Guri.
Senator C/llaahi Sheekh Ismaaciil Fartaag oo ka mid ahaa wafdiga tegay Beledxaawo ayaa kulankii Aqalka Sare ee maanta ka sheegay in waxgaradka iyo Odayaasha Beledxaawo ay wafdiga u sheegeen in ilaa 790 Guri oo ay leeyihiin Soomaaliya ay gudaha Kenya galeen.
Silliga ay Kenya ka dhiseyso magaalada xuduudka ku taalla ee Beledxaawo ayaa la dhisay ilaa 6 KM isagoo socda Webiga ilaa magaalada Beledxaawo afkeeda, waxaana Senator Fartaag uu sheegay in dhulkaasi aanu ahayn dhulkii hore Kenya uga tirsanaa, basle uu yahay dhulkii ay deganaayeen Soomaalida Soomaaliya.
