Warar kala duwan ayaa kasoo baxay Diyaaradii maanta ka degtay garoonka diyaaradaha magaalada Kismaayo, iyadoo halkaasi ka dejisay siyaasiyiin iyo xildhibaanno ka tirsan Baarlamaanka Somalia.
Diyaaraddan oo jebisay xayiraaddii ay dowladda Somalia saartay duulimaadyada taga magaalada Kismaayo ayaa madaxweyne ku xigeenka Jubbaland Maxamuud Sayid Aadan uu sheegay in leeyihiin maamulka iyo dadka Jubbaland, ayna duulimaadkii ugu horeeyay maanta ku tagtay magaalada Kismaayo, lakiin waxaa diyaaradda laga helay faahfaahin dheeraad ah.
Raadraac lagu sameeyay sumadda diyaaradda ku qorneyd ayaa lagu ogaaday in diyaaradda nooceedu ahaa Fokker 50, registration 5Y-JXJ, iyadoo ka diiwaan gashay dalka Kenya, waxayna ku shaqeyneysay magaca shirkadda Jubba Airways, iyadoo uu hore u lahaa Ganacsadaha reer Kenya ee Isaac Somo.
Ganacsadahan ayaa sidoo kale leh diyaaradaha Qaadka iyo rakaanka keena Soomaaliya intooda badan, waxaana muuqaal laga qaaday diyaaradda oo ku sugan garoonka Muqdisho lagu ogaaday inay ahayd isla diyaaradii maanta ka degtay magaalada Kismaayo.
Wararka xog ogaal ah ayaa sheegaya in diyaaradda uu hore uga iibsaday shirkadda Kenyantiga xildhibaan ka tirsan Baarlamaanka Federaalka Soomaaliya oo Ganacsade ah, isgoo shirkad uu leeyahay ay ka mid ahayd diyarado u shaqeeya, laakiin Dad ku dhow xildhibaanka ayaa ku dooday inuu sii iibiyey oo dad ku dhow madaxweyanah Jubbaland ay ka iibsadeen, waxayna xilligaasi ku duuli jirtay magaca Shirkadda Jubba Airways.
Dowladda Somalia ayaa wararku sheegayaan inay baaritaan ku heysto shirkadda iyo cidda leh, iyadoo la filayo in ganaax lagu soo rogo, lagana mamnuuco inay dalka timaado.
