Guddiga joogtada ah ee labada Aqal ee Baarlamaanka Federaalka Soomaaliya oo maanta kulan yeeshay ayaa soo saaray xilliga la furayo Baarlamaanka iyo xilliga loo yeerayo Guddiga Doorashooyinka ee madaxda Bannaan.

Kulanka oo ay wada guddoomiyeen Guddoonka labada Aqal ayaa markii uu soo dhammaaday la shaaciyey in 6-da June si rasmi ah loo furi doono kalfadhiga 7aad ee Baarlamanka, iyadoo Guddiga Madaxa bannaan ee Doorashoyinka Qaranka loo yeeri doono 27-ka June si loogu dhageysto warbixinta Doorashooyinka Qaranka iyo sida ay ku qabsoomi karto.