Xildhibaan ka tirsan Golaha Shacbaka Baarlamaanka Federalka yaa maanta lagu doortay magaalada Jowhar, kursiga oo ka mid ahaa kuraasta ku harsan Hirshabelle.
Kursiga tirsigiisu yahay HOP#009 oo uu hore ugu fadhiyay Sheekh C/sataar Abdisalam Hassan Barsane oo mar kale doonayey inuu kusoo laabto, waxaase kula tartamay Musharax Cali Xasan Ibraahim.
Doorashada kursigan oo la filayey inuu Sheekh C/sataar kusoo laabto ayaa si lama filaan ah waxaa lagu doortay Musharixii kale, waxayna natiijadii noqotay in Kursiga HOP009 uu ku guuleystay Cali Xassan Ibrahim oo helay 67 -cod halka xildhibaan C/sataar C/saalam Xasan Barsane uu ka helay 33-cod.
Xarunta Hirshabeelle waxaa ku harsan ilaa 3 kursi Kursi oo mid ka mida uu yahay kursigii ay u sharaxneyd marxuumad xildhibaan Aamina Maxamed Cabdi iyo kuraasta Beesha Madaxweynaha Hirshabeelle oo khilaaf ka taagan yahay.
