Xildhibaan Cali Cabdi Cismaan ayaa shaaciyey inuu ka baxay Xisbiga Midowga Nabada iyo Horumarka ee uu hoggaamiyo Madaxweynihii hore ee Soomaaliya xildhibaan Xasan Sheekh Maxmauud.
Xildhibaan Cali Cabdi Cismaan oo dhowaan laga qaaday xilkii Guddoomiyaha Guddiga Maaliyadda ee Golaha Shacbaka, isagoo qeyb ka ahaa kooxdii soo saartay warbixintii muranka dhalisay ayaa qoraal uu soo diray ku sheegay inuu hakiyay Xubinimadii Xisbiga UPD, isagoo aan sheegin wax sabab ah.
Hore waxa xisbiga uga baxay xildhibaan C/llaahi Maxamed Nuur oo ay saaxiibo dhow yihiin xildhibaanka maanta shaaciyey inuu ka baxay xisbiga. waxaana qoraalkiisa ka mid ahaa” “Waxaan ka mid ahaa xubin ka tirsan Xisbiga MIDOWGA NABADDA IYO HORUMARKA (UPD) Waxaan rabaa halkaan in aan idin kala wadaago laga bilaabo 26ta Janaayo 2019 waxaan cadeeynayaa in aan iska hakiyey xubin nimadii Xisbiga UPD?.