Israa’iil iyo kooxaha Falastiiniyiinta ayaa gaaray heshiis xabbad joojin oo ilowday saaka aroortii kadib socday muddo 11 maalmood ah.
Xabbad joojinta ayaa waxaa ka shaqeeyay dowladda Masar, waxaana ugu horeyn ku dhawaaqay Golaha Wasiirada Israel oo sheegay inay xabbad joojin iskood ah gelayaan oo aan wax shuruud ah ku xirneyn.
Dhinaca Kooxaha Falastiin ee Marinka Gaza ayaa dhinacooda u hoggaansamay xabbad joojinta, iyagoo daqiiqadihii ugu danbeeyay Gantaallo badan ku riday magaalooyinka Yuhuudda ee u dhow Marinka Gaza.
Diyaaradaha Dagaalka Yuhuudda, Maraakiibta iyo Madaafiicda ayaa 11 maalmood ah duqeyn ku hayey Marinka Gaza, waxaana ka dhashay qasaare 232 dhimasho ah oo ay ku jiraan 69 caruur ah iyo 39 haween, waxaana ku dhaawacmay dad gaaraya 1900, iyadoo lagu burburiyey boqolaal dhisme iyo Daaro.
Kooxaha reer Falastiin ee ay ugu horeeyaan Xamaas iyo Islamic Jihaad ayaa Gantaalihii ugu badnaa ku weerarray magaalooyinka Yuhuudda, waxayna ku rideen in ka badan 4000 gantaal, iyadoo lagu dilay 12 Yuhuud ah iyo dhaawac ku dhow 300 qof.
Markii uu dhaqan galay heshiiska xabbad joojinta ayaa waxa dabaaldegyo ka bilowdeen dhulka reere Falastiin, iyagoo u dabaal degaya guusha ay kasoo hooyeen caddowga Israa’iil iyo sida loogu
Sarkaal ka tirsan ururka Xamaas oo wakaaladda wararka ee AP u warramay wuxuu saheegay xabbad joojinta ay Israa’iil ku dhawaaqday ay ka dhigan tahay ‘guul’ shacabka Falastiin u soo hoyatay iyo guul darro soo gaartay ra’isal wasaaraha Israa’iil Banjamin Natanyahu.
