Xaaladda caafimaad ee Guddoomiyaha Gobolka banaadir C/raxmaan Cusmaan Yariisow ayaa la sheegay inay ahay mid adag, kadib markii laba qalliin lagu sameeyay, kadib dhaawac culus oo kas oo gaaray qaraxii xarunta Gobolka Banaadir galabta ka dhacay.
Dhaawaca Gudoomiyaha ahana Duqa Muqdisho ayaa la geeyay isbitaalka Erdogan (Ex. Digfeer), iyadoo qalliinka lagu sameeyay kadib la sheegay in dadaal loo galay sidii degdeg loogu qaadi lahaa dibadda, waxaana is al caawa loo dalbay diyaarad dibadda u qaadi si caafimaadkiisa loogula tacaalo.
Isbitaalka Digfeer waxaa ilaa galabta buux dhaafiyay Mas’uuliyiin ka tirsan labada Gole ee dawladda, wasiiro iyo xubno ka tirsan maamulka Gobolka banaadir, dadweyne iyo dad qaraabo la ah Guddoomiyaha Gobolka Banaadir, laakiin dad badan looma ogolaan inay arkaan xaaladiisa awgeed.
Wararkii ugu danbeeyay ayaa sheegaya in dhaawaca Guddoomiyaha la filayo in saacadaha soo socda loo qaado dibadda, iyadoo dowladda Qatar ay soo dirtay diyaarad qalabeysan oo caafimaad si loo qaado Guddoomiyaha G/banaadir iyo mas’uuliyiin kale oo dhaawacyo culus qaba.
