Wararka laga helayo magaalada Baydhaba e xarunta KMG ah maamulka K/Galbeed ayaa sheegaya in diyaaradii xamuulka ahayd ee shalay galab ku burburtay degmada Berdaale ay soo rideen ciidamada Itoobiya.

Sida laga soo xigtay Mas’uuliyiin ka tirsan Maamulka K/Galbeed ee Soomaaliya ciidamada Itoobiya ayaa ku jiray tababar ‘Dabrid”, waxaana la sheegay in Hubkii ay ridayeen uu haleelay diyaaradda African Express, kaasoo sbabay inay ku burburto meel u dhow garoonka.

Baaritaan ayaa socda, iyadoo dowladda Soomaaliya ay shaacisay inay baaritaan buuxa ku sameyn doonto waxa sababay burburka diyaaadda oo ay ku dhinteen lix qof oo Somali iyo Kenyan ah.

Diyaaradda oo laga lahaa dalka Kenya, kala bar dadka ku geeriyoodayna ay Kenyan yihiin ayaa arrintan ka dhigeysa inay ka wadahadlaan dalalka Itoobiya iyo Kenya oo ciidamo ka wada joogaan Soomaaliya, kana tirsan howlgalka Midowga Afrika ee AMISOM.