Waxaa xarunta Afisyoone ka socda kulan gaara oo wakiilada Beesha caalamka la leeyihiin Ra’iisal wasaaraha xukuumadda xilgaarsiinta Maxamed Xuseen Rooble.

Kulankan oo ahaa kii ugu horeeyay ee dhex mara labada dhinac, kadib markii laga laabtay muddo kororsigii, maamulka doorashadana lagu wareejiyey Maxamed Xuseen Rooble ayaa la sheegay inay dalbadeen Wakiilada Beesha Caalamka oo warbixin ka sugaya RW Rooble.

Waxa kulanka ka qeyb galaya wasiiro ka tirsan xukuumadda xilgaarsiinta, waxaana lagu wadaa in looga doodo xaaladda Muqdisho, xalinta qalalaasaha ka dhacay iyo qorshaha dib u bilaabidda wadahadalkii Doorashada Soomaaliya.