Saraakiil ka tirsan ciiamada milateriga Soomaaliya ayaa sheegay inuu geeriyooday amiirkii kooxda Alshabaab ee Axmed Diiriye Abuu Cubeyda.
Warkan oo ay baahisey idaacadda ciidamadda xoogga dalka ee magaalada Muqdisho ayaa lagu sheegay in Amiirka Alshabaab uu u geeriyooday cudur muddo hayey. Waxayna intaas ku dareen in Axmed diiriye Abuu’cubeyda uu ku geeriyooday magaalada Jilib ee Gobolka Jubada Dhexe.
Taliyaha howlgalinta ciidanka xoogga qeybta 43-aad G/sare IsmAaciil Sheekh Isxaaq oo Idaacadda Ciidamada qalabka sida u sheegay inuu geeriyooday horjooge Axmed diiriye Abuu Cubeyda, una dhintay Cudurka Kansarka oo muddo sanad ah uu la xanuunsanaa.
Ma jirto cid xaqiijisay geerida Amiirka Alshabaab oo dhowr jeerna hore loo sheegay inuu geeriyooday.
HOOS KA DHAGEYS G/SARE ISMACIIL SHEEKH
