Taliyaha Ciidanka Booliiska Soomaaliya Jeneraal Cabdi Xasan Maxamed (Xijaar) ayaa xil ka qaadis ku sameeyay afhayeenkii Booliska Col. Sadiiq Aadan Cali (Doodisho).

Lama sheegin sababta xil ka qaadista Afhayeenkii Ciidanka Booliska Soomaaliyeed. Waxaa sidoo kale afhayeenka cusub loo magacaabay Gaashaanle Cabdifataax Aadan Xasan, kaasoo shalay kasoo muuqday shirkiisii ugu horeeyay e jaraa’id.

Warar kala duwan ayaa kasoo baxaya xil ka qaadista uu taliyaha Taliyaha Ciidamada Booliska ku sameeyay afhayeenkii hore Saqiiq Doodisho oo ahaa afhayeenkii ugu fiicnaa ee muddooyinkan soo mara ciidamada Booliska.

Taliyaha Booliska Soomaaliya Jen. Xijaar ayaa ka mida madaxda ugu badan ee sameeya magacaabista, xil ka qaadista iyo kala bedelka saraakiisha Booliska.