Agaasimihii hore ee NISA C/laahi Maxamed Cali (Sanbaloolshe) ayaa si weyn u dhaliiyey nidaamka Amniga ee Madaxweyne Maxamed C/llaahi Farmaajo ilo sida loo maamulo ciidamda Qaranka.
Sanbaloolshe oo ka hadalyay Shirka Aragti-wadaagga Heritage ee ka socda magaalada Garowe ayuu sheegay in markii uu xukunka yimid Madaxweyne Farmaajo uu ciidamada u kala saaray ciidamo tuuggo ah iyo kuwo iyaga ay leeyihiin.
“Farmaajo marka uu talada yimid wuxuu ciidamada u kala tagna, kuweenna (Team-keena) iyo Tuugada, waxay tuugada u yaqaanaan ciidamada Alshabaab ka xoreeyay Muqdisho ilaa Jalalqsi iyo Baraawe ee kasoo jeeda Sh/Dhexe, Hiiraan iyo Sh/Hoose. Ciidamada laga keeno Gedo, Buuhoodle iyo Caabudwaaq waxay u yaqaanaan ciidamo Qaran..” ayuu yiri C/llaahi Sanbaloolshe.
Wuxuu ku eedeeyay Madaxda dowladda Federaalka inay siyaasadeysay ciidamada, ayna degaanada qaar ku duushay, isagoo si cad u sheegay inaysan jirin wax ka og ciidamada ay dowladda u dirty dalalka Qatar iso Eritrea.
“Todobaadkii lasoo dhaafay waxaan ognahay hub laga baxshay Madaxtooyada oo dad Shacab ah loo qeybiyay marqaatigeeda anagaa heynaa, Ciidamada Gedo la geeyay waxaa madax u ah nin la yiraahdo Kulane Jiis oo Madaxweynaha ilma adeer yihiin, Ciidanka Xooga Dalka marna ma hoostagaan, Ciidanka waala siyaasadeeyay waanala qabyaaladeeyay” ayuu yiri Sanbaloolshe
