Madaxweynaha Soomaaliya Xasan Sheekh Maxamuud ayaa warqadaha aqoonsiga danjirenimo ka guddoomay Safiirka Cusub ee Dowladda Isutagga Imaaraatka Carabta Axmed Jumca Al-rumeysi.
Danjiraha Imaaraatka Axmed Jumca ayaa Madaxweynaha soo gaarsiiyey salaan iyo farriin ka siday Madaxweynaha dowladda Imaaraatka Maxamed Binu Saayid Aala-nahyaan, wuxuuna bedelayaa safiirki ugu waqtiga dheeraad ee Imaaraadka u joogay Soomaaliya.
Danjiraha ayaa soo bandhigay dadaalkiisa xoojinya xiriirka diblumaasiyadeed ee labada dal, isagoo shacabka iyo dowladda Soomaaliyeed uga mahadceliyey soo dhoweynta diirran ee lagu qaabillay.
Madaxweyne Xasan Sheekh ayaa u rajeeyey inuu ku guuleysto matelaadda dalkiisa, doorna uu ka qaato xoojinta xiriirka soo jireenka ah ee ka dhaxeeya labada dal.
