Dowladda Ruushka ayaa dowladda Federaalka Soomaaliya u cafisay deyn boqolaal malaayiin dollar ah oo ay ku lahayd Dowladda Soomaaliya.

Heshiiska Deyn cafinta waxaa magaalada Saint Petersburg kula kala ay saxiixday Wasiirka Maaliyadda Somaaliya Biixi Iimaan Cige iyo Wasiir ku Xigeenka Maaliyadda Dalka Ruushka Timur Igorevich Maksimov, waxaana goobjoog ka ahaa Ra’iisal wasaare ku xigeenka Soomaaliya.

Lacagta dowladda Ruushku ka cafinayso SOomaaliya ayaa gaareysa $684-Million oo dollar.Heshiiskan ay kala saxeexdeen labada dhinac ayaa yimid, iyadoo Soomaaliya ay ku dhow dahay gabagabada Deynta cafinta.

Magaalada Saint Petersburg ayaa waxaa maanta ka furmaya shir-madaxeedka dalalka Afrika iyo Ruushka, waxaana Soomaaliya uga qeyb galaya wafdi uu hoggaaminayo ra’iisul wasaare Ku-xigeenka Saalax Axmed Jaamac.