Ra’iisul Wasaarha xukumadda federaalka Soomaaliya Maxamed Xuseen Rooble iyo wafdi uu hoggaaminayo ayaa si weyn loogu soo dhoweeyay magaalada Qaahira ee caasimadda dalka Masar.

Waxaa Garoonka Magaalada Qaahira si diirran ugu soo dhaweeyey Ra’iisul Wasaaraha Masar Moustafa Madbouly iyo mas’uuliyiin kale, isagoo sallaan sharaf ka qaatay ciidamada hab maamuuska Madaxtooyada Masar.

Rooble ayaa kulamo la yeelan doona madaxda dalka Masar oo uu ka mid yahay Madaxweynaha dalkaasi Abdifatah Alsisi, waxayna ka wadahadli doonaan xiriirka Soomaaliya iyo Masar oo muddooyinkii danbe ahaa mid gaabis ah.