Ra’iisal wasaaraha xukuumadda Soomaaliya ayaa magaca ka bedeley waqtiga ‘KALA GURKA’ ah ee ay xukuumadiisa kusoo beegantay, iyadoo dalku doorasho gelayo mudaddii dowladda ee sharciga ahaana ay ka harsan tahay 3 bilood.
Isagoo xildhibaannada Baarlamaanka u jeediyey barnaamijka xukuumadiisa oo uu ku dalbaday in kalsooni la siiyo Golaha Wasiirada uu soo dhisay ayuu Ra’iisal wasaare Rooble adeegsaday ereyga ‘ISLA GUURKA’ halkii ay ahayd ‘KALA GUURKA’.
“Waxaan idin soo gudbinayaa Barnaamijka xukuumadda oo aan aaminsanahay inay ka tarjumeyso marxaladda dalku marayo ee waqtiga ‘Wada-guurka’..” ayuu yiri Ra’iisal wasaare Rooble oo dhowr jeer ku celiyey ereyga ‘WADA-GUURKA’
Lama oga ujeedka Ra’iisal wasaaraha, laakiin waxaa loo micneyn karaa siyaabo kala duwan oo ay ka mid tahay inuusan ogoleyn xaaladda kala guurka ah ee uu kusoo beegmay inuu doonayo dowlada hadda jirta inay sii joogto ama dib u soo laabato Doorashada kadib.
