Ra’iisal wasaaraha xukuumadda Soomaaliya iyo wafdigii uu hoggaaminayey oo socdaal shaqo ku jooga dalka Mareykanka ayaa kulan la yeeshay guddoomiye ku xigeenka Bankiga Adduunka Hafez Ghanim.

Laba dhinac ayaa ka wadahadlay taageerada Bankiga Adduunka siiyo Soomaaliya iyo barnaamijka deyn cafinta ee dadaalka loogu jiro in Soomaaliya looga cadiyo deymihii lagu lahaa muddo dheer soo jiitamayey.

“Waxaan kulan miro dhal leh kula qaatay Washinton, Guddoomiye ku xigeenka Bangiga Adduunka Hafez Ghanim oo aan ka wada hadalnay habsami u socodka barnaamijka deyn cafinta dalkeena iyo dib-u-habaynta nidaamka maaliyadeed ee hay’adaheedda dowliga ah..” ayuu yiri Ra’iisal wasaare Kheyre.

Guddoomiyaha cusub ee Bankiga Adduunka ayaan weli xilka la wareegin, iyadoo uu xilligan shaqada sii wado ku xigeenka.