Guddiga tartanka Adeegga Xajka wasaaradda Awqaafta iyo Arrimaha Diinta xukuumadda Xilgaarsiinta ayaa shaaciyay qiimaha sanadkan 1443/2022 lagu aadi karo Xajka.
Qoraal kasoo baxay Wasaaradda ayaa lagu sheegay in lacagta laga rabo qofka Xaajiga ah ay gaareyso $5,230 oo isugu jira kharashka Gudaha Sacuudiga ee xajka, Tikidhka iyo adeegyada kale.
Qiimaha Xajka lagu aado ayaa sanad kasta wasaaradda Diinta u sameysaa sicir, iyadoo sanadkan loo kala qaaday qiime xajka Sacuudiga gudihiisa ah, tikid iyo adeegyada kale, halka sanadihii hore ay lacagta ahayd isku duub qiimihiisu ahaa $3800.
Wasiirka Awqaafta iyo Arrimaha diinta ayey tahay markii ugu horeysay ee uu xaj maamulo, iyadoo xajku ka mid yahay arrimaha lagu xisaabtamo ee lacagaha badan laga helo.
