Ciidamada Maamulka Puntland ayaa saaka Dil toogasho ah ku fuliyay 10 xubnood oo la sheegay inay tirsanaayeen kooxda Al-Shabaab, kuwaas oo lagu helay inay falal argagixio iyo Dilal ah ka fuliyeen magaalada Gaalkacyo.
Kooxdan la toogtay ayaa ahayd shabakad isku xiran oo ka tirsanayd Al-Shabaab, waxaana qoral kasoo baxay Taliska Booliska ee magaalada Gaalkacy lagu yiri:
“Maanta magaalada Gaalkacayo waxaa lagu fuliyey xukun dil ah 10 ka tirsan argagixisada Al-Shabaab, kuwaas oo horey maxkamadda sare ee ciidamada ay ku xukuntay dil, kadib markii lagu helay inay geysteen dilal magaalada Gaalkacayo.
Ragga Dilka toogashada ay lagu fuliyay waxay magacyadoodku kala yihiin:
1- Xasan Jamac Maxamed
2- Liibaan Aaadan Muse
3- Barked Cawili xersi
4- Xasan Muuse Axmed
5- C/khaaliq Warsame Barre
6- Cadde C/llaahi Maxamed
7- Maxamed C/salaan Axmed
8- C/raxmaan Feysal Salaad
9- C/qani Farxaan C/llaahi
10- C/salaan Sahal Shuceyb
Saddex ka mida xubnaha maanta la toogtay ayaa maqan oo ka baxsaday dhowaan Xasbiga Gaalkacyo, kuwaas oo la sheegay inay Dil toogasho ah oo meel waliba oo lagu arko lagu dilo.
