Cabdiraxmaan Aaden Sabriye oo hore isugu sharxay xilka madaxweynaha Madaxwaynaha Galmudug, balse ka tega magaalada Dhuusamareeb, isagoo la sheegay inuu isaga haray tartanka ayaa maanta degdeg ugu laabtay halkaasi.

Musharaxa C/raxmaan Sabriye ayaa goor dhoweyd tegay xarunta Guddiga Doorashada Galmudug, waxaana la guddoonsiiyey shahaadada musharaxnimada Madaxweynaha Galmudug, wuxuuna noqonayaa musharixii saddexaad ee isu soo sharxa xilkan iyadoo aan la fileyn, kadib markii ay ka baxeen 4 musharax oo mucaarad ah.

Wararka ayaa sheegaya in musharaxnimada C/raxmaan Aaden Sabriye ay ka dambeysay dowladda Soomaaliya oo wadata musharaxa Axmed Cabdi Kaariye (QoorQoor), waxayna saddexdan musharax buuxin doonaan garbaha musharaxa dowladda.