Maxkamadda Racfaanka Gobolka Banaadir ayaa maanta ku dhawaaqday xukunno ay ka soo saaray mas’uuliyiin ka tirsanaa Wasaaradda Maaliyadda, Bangiga Dhaxe, iyo Hey’adda Socdaalka iyo Jinsiyadda .
Maxkamadda Rafcaanka oo Dacwadaan ka yeelatay 8-fadhi ayaa dib u furtay Kiiska Musuqa ee lagu soo eedeeyay Mas’uuliyiintan oo hore Maxkamadda Gobolka Banaadir ay xukunno kala duwan ku riday.
Afarta mas’uul ee Maxkamadda Rafcaanka xukubka ku riday ayaa kala ah:
1- Cumar Macallin Nuur, ku xigeenkii madaxa Hay’adda Socdaalka iyo Jinsiyadaha oo lagu xukumay Hal sano oo xarig ah.
2- Cabdullaahi Maxmuud Cusuble, madixii Laanta Garoonka waxaa lagu xukunay Hal Sano oo Xarrig ah.
3- Saabir Xasan Cabdinuur. madixii hubinta ee Hay’adaha Socdaalka iyo Jinsiyadaha ee Garoonka Muqdisho oo lagu xukumay 2 Sano & 6 Bilood oo Xarrig ah.
4- Aadan Maxamed Cabdi oo ka mid ahaa shaqaalaha Hay’adda socdaalka iyo Jinsiyadaha Groonka Muqdisho, waxaa lagu waayay dhamaan eedeymihii loo jeediyay.
Mas’uuiiyiinta kale ee xukunka lagu riday waxaa ka mida:
5- Abuukar Maxamed Cali oo ka tirsanaa shaqaalaha Wasaaradda Maaliyadda ee Garoonka Muqdisho oo lagu xukumay 6-Sano oo Xarrig ah.
6- Maxamed Aadan Cabdullahi oo ahaa Madixii laanta Bankiga Dhexe ee Garoonka Muqdisho oo lagu xukunay Hal Sano ah.
7- iyo Cabdiqaadir Cabdi Socdaal oo ka tirsanaa shaqaalaha Bankiga Dhexe ee Laanta Garoonka Muqdisho oo lagu waayay dhamaan eedihii loo jeediyay.
