Maxkamadda Darajada Koowaad Ee Ciidamada Qalabka Sida ayaa maanta soo gaba-gabeysay dhageysiga dacwad lagu soo oogay askari ka tirsan ciidamada Booliska oo magaalada Muqdisho ku dilay darawal Mooto Bajaaj.
Dhageysiga Dacwaddan oo qaatay muddo saacado ah, waxaa lagu soo oogay Dable Boliis Cali Maxamuud Axmed oo 8-da bisha May 2019 ku dilay Darawal Bajaaj oo lagu magacaabi jiray Cabdirisaaq Yuusuf Guure, wuxuuna falkaasi ka dhacay Isgoyska Tarabuunka ee magaalada Muqdisho.
Xeer ilaalinta ayaa dalbatay in dil toogasho ah lagu xukumo eedeysanaha, iyadoo maxkamadda lasoo xiray, wuxuuna ku dhawaaqay guddoomiyaha Maxkamadda in go’aanka dib laga soo saari doono.
Ad
HOOS KA DAAWO
Warar Xul ah
