Ra’iisal wasaaraha cusub ee Soomaaliya Maxamed Xuseen Roobe oo maanta 23-ka September codka kalsoonida ka helay Baarlamaanka Federaalka Soomaaliya wuxuu taariikhda ku gelayaa inuu yahay Wasiirkii koowaad ee ugu waqtiga yaraa, waxaan la magacaabay xilli ay dowladda uu ka mid yahay u harsan tahay 4 Bilood oo kaliya.
Xilliga kooban ee uu heyso Ra’iisal wasaare Kheyre kama reebin taageerayaashiisa cusub inuu sheegto inuu wax ka qaban doono 8 Qodob oo waaweyn oo xukuumadii ka horeysay aysan waxbka ka qaban 4 sano ku dhowaad, wuxuuna markii la dhaariyay Baarlamaanka ka hor sheegay inuu soo dhisi doono xukuumad wax ka qaban doonta arrimaha so socda:
1- Arrimaha Amniga
2- Arrimaha Doorashooyinka
3- Horumarinta Dhaqaalaha iyo Adeegga Bulshada
4- Cadaaladda iyo Garsoorka
5- Dowlad wanaaga iyo la dagaalanka Musuqmaasuqa
6- Dib u eegista Dastuurka
7- Dhab u heshiisiinta
8- Iskaashiga Caalamiga ah.
Ra’iisal wasaare Rooble ayaa loo arka inuu yahay Mas’uul shaqada kaliya ee laga rabaa ay tahay fulinta ‘Doorasho Dalka ka dhacday 2020/2012 iyo sii wadida howl maalmeedka xukuumadda, iyadoo ay caddahay in dhismaha Golaha Wasiirada cusub ay waqti ku qaadan doonto, siina yareyn doonto mudadda 4-ta bilood ee sharciga ah.
Waxaa yar suuragalnimada in Ra’iisal wasaaraha cusub uu helo waqti ka dheer sharciyadda 4-ta bilood ee ay heysato dowlada hadda jirta, iyadoo nidamka doorasha ee la qaatay uu yahay mid dadban oo xilligaasi lagu qaban karo.
Taageerayaasha Ra’iisal wasaaraha cusub ee u badan qaraabadiisa ayaa u muuqda inay jeclaan lahaayeen in muddo kordhin loo sameeyo Dowladda hadda jirta, Baarlamaankuna uu diido heshiiska Doorashada, iyagoo hore u ahaa kuwii ugu adkaa ee kasoo horjeeday Madaxweyne Farmaajo iyo Ra’iial wasarihii hore Xasan Cali Kheyre.
