Friday, December 8, 2023

Madaxweyne ku-xigeenka Jubbaland oo Warbixin yaab leh ka qoray xaaladda Gobolka Gedo (Akhriso)

-

- Advertisement -

Madaxweyne ku-xigeenka 1aad ee Jubbaland Maxamuud Sayid Aadan ayaa warbixin dheer oo yaab leh kasoo saaray xaaladda gobolka Gedo.

Qoraalka Maxamuud Sayid ayaa isugu jir eedeyn iyo dhibatooyinka Gobolka Gedo kasoo gaaray intii ay maamulayeen Shan Qof oo uu sheegay inay isugu jiraan Soomaaliy iyo ajnabi.

QORAALKA HOOS KA AKHRISO

“NIN ADDUUN JOOGOOW MAXAA ARAGTI KUU LAABAN”

“Waxaa Layaab leh Maanta oo Aan joogno Qarnigii 21-aad In umad leh Siyaasiin, Hoggaan dhaqameed, Aqoonyahanno, Cullamaa’uddiin, Dhallinyaro, Ganacsato iyo Haween In ay Af-duubaan 5 Shakhsi oo isugu jira Soomali iyo Ajnabi, Kaddibna ay ku hogaamiyeen waddo Mugdi ah oo horey Ka xiran.

- Advertisement -

Waxaan Halkaan kula Wadaagayaa umadda Soomaaliyeed, Reer Jubbaland Iyo gaar ahaan Shacabka reer Gedo, Muddadii Labada Sano Ahayd oo Aay Shakhsiyaadka Aan kor ku soo xussay Qorshaha Gurracan ka fulinayeen Khasaaraha Kasoo gaaray G/Gedo.

1. Amniga waxaa burburay Qorshihii dhismaha Booliiska 600 Oo Askari oo UN-ka gacan naga siinayeen kaas oo markii la dhisay Xaradii lagu tababari lahaa Lana diyaariyey macalimiintii iyo Gaadiidkii la keenay Dekedda Mombasa Nasiib darro ay burburiyeen kuwaa Aan soo sheegnay.

2. Arrimaha maamulka waxay hor istaageen dhismihii Golayaasha Deegaanka oo ay Dadweeynaha soo dooran lahaayeen si degma kasta u hesho horumar dhinac kasta leh sida kaabayaasha dhaqaalaha, Adeegga bulshada, Amniga, Garsoorka iyo miisaaniyad dheelitiran mashruucaan oo lafulin lahaa 2020 ilaa bilawgii 2021.

3. Garsoorka waxaa socday lana meel marin lahaa dhismaha Garsoorka Heer degmo iyo heer Gobol Oo ay wadeen Golaha Adeegga Garsoorka iyo wasaaradda Caddaaladda.

4. waxaa lafulin waayey Dhismihii Koleejka macalimiinta B/dhere Ee ka dhaxeeyey Jubbaland iyo Koonfur Galbeed iyo Jaamacaddii B/xaawo.

5. Waxaa lafulin waayey Qorshaha hergelinta magaalooyin Casri ah (master plan) iyo sharciyeenta Dhulka.

6. Waxaa lafulin waayay mashruuca dhismaha waddo laami ah oo isku xidho luuq iyo B/xawo.

- Advertisement -

7. Waxaa meesha kabaxay Qorshe lagu sameyn lahaa biya Xireenno Togogga waa weeyn ee biyaha Wabiga ku dara xiliyada Roobka si looga gaashaanto biya la ‘aanta xilliga Abaaraha.

8. Waxa Gabi ahaan 89% Gobolka ka joogsaday howlihii kala duwanaa Oo Aay wadeen Hay’adaha Samafalka waxayna u wareegeen Deegaannada kale ee Jubaland, Koofur galbeed, Hirshabeelle iyo Galmudug. Waayo Deeqbixiyeyaashu waxay ixtiraamaan Shuruucda Dalka u degsan.

9. Waxaa xusid mudan Mashaariicdii horomarineed iyo kuwa Xaaladaha degdegga ah ee sanadihii 2017, 18 ilaa 2019 Loo qoondeeyey Dowladda Jubbaland, G/Gedo wuxuu ka helay 67.8% ka fiiri Sanduuqa Dhaqaalaha Soomaaliya (SSF).

10. ugu danbeeyn Maanta Gobolka Gedo waxaa 83% Saameeyn ku yeeshay Al-shabaab oo mucaahado lagalay Beelaha Gobolka Degan waxayna la wareegeen Garsoorka, dhaqaalaha iyo dhismaha madax dhaqameed, fullinta tababaro iyo waxbarashada Xagjirnimada.

Howlwadeennada ka Amar qaata shaqsiyaadka shanta ah waxay ku howlan yihiin Qaadista canshuuraha Ay xaq u lahayn maadaama aysan haysan wakiilasho Dastuuri ah Af la’ gaadada iyo Borobogaandada lagu jahawareerinayo shacabka mana Arkaan Xaaladda Bulsho, Amni, Siyaasadeed iyo Dhaqan Dhaqaale ee Gobolka kajirta.

Walaalayaal maanta waan joognaa barito ma joogno aan kashaqeeyno wax adduun iyo aaqiraba noo wanaagsan, aan wada Noolaanno Annagoo kala aragti ah, aan wada hadalno oo Aan is qancinno”

- Advertisement -

W/Qoray: Maxamuud Sayid Aaden
Madaxweyne ku-xigeenka Jubbaland.

- Advertisement -

Qoraalka kama tarjumayo aragtida Mareegta GOOBJOOGE.NET, wuxuuna gaar u yahay qoraaga ku saxiixan.
The views and opinions expressed in this website are those of the authors and do not necessarily reflect Goobjooge.net's editorial stance.

XULKA WARARKA

WARARKA CUSUB

Dowladaha Somaliya iyo Itoobiya oo kala saxiixday Heshiis cusub oo Milateri

Dowladaha Soomaaliya iyo Itoobiya ayaa magaalada Addis ababa ku kala saxiixday heshiis cusub oo milateri, kaasoo lagu cusbooneysiiyay is-afgarad iskaashi milateri ah oo labada...

Xasan Sheekh oo Xil cusub u magacaabay Agaasimihii is-casilay ee Madaxtooyada

Madaxweynaha Soomaaliya Xasan Sheekh Maxamuud ayaa xil cusub u magacaabay Agaasimihii madaxtooyada Soomaliya ee is casilay, kana mid ahaa Musharixiinta xilka Madaxweynaha maamulka K/Galbeed.Wareegto...

Siciid Deni oo ka noqday Doorashadii ‘Qof iyo Cod’, kuna dhawaaqay Mowqif Cusub

Madaxweynaha Maamul Goboleedka Puntland ayaa ka noqday Doorashadii 'Qof iyo Cod' ee uu in mudo ah ku adkeysanayey, taasoo xiisad siyaasadeed iyo qalalaase dagaal...

Qarax iyo Is-rasaaseyn Muqdisho ku dhex maray Ciidamada Amniga iyo Alshabaab

Qaraxyo iyo Rasaas ayaa Maqribtii caawa laga maqlay Magaalada Muqdisho, iyadoo Xubno ka tirsan Alshabaab iyo ciidamada Amniga oo ku daba jiray uu dagaal...

Dood ka dhalatay Xisaab-xirkii Dowladda ee 2022 iyo Xildhibaanno isu jawaabay

Fadhigii labada Aqal ee Baarlamaanka Federaala Soomaaliya ee maanta ayaa la horgeeyay Xisaab xirkii dowladda ee sanadkii 2022, kaasoo noqonaya kii ugu horeeyay tan...

Baarlamaanada Galmudug, Hirshabelle, K/Galbeed & Jubaland oo diiday Shirkii Arrimaha Dastuurka

Baarlamanada Afar ka mida Dowlad goboleedyada Soomaaliya ayaa diiday casuumad uga timid Guddoonka labada Aqal ee Baarlamanka Federalka Soomaaliya.Qoraal kasoo baxay Guddoomiyeyaasha Baarlamaannada Galmudug,...

Faahfaahin laga helay Duqeyn ka dhacday Magaalada Jilib iyo Dad ku dhaawacmay

Faahfaahin dheeraad ah ayaa laga helayaa Duqeyn xalay ka dhacday magaalada Jilib ee Gobolka J/Dhexe oo ah xarunta ugu weyn ee Alshabaab iyo caasimadooda.Diyaarad...

XOGAHA QARSOON

Xasan Sheekh oo Garoonka Muqdisho kula kulmay Saraakiisha Mareykanka Ee AFRICOM

Madaxweynaha Soomaaliya Xasan Sheekh Maxamuud ayaa Garoonka Diyaaradaha Aadan Cadde kulan kula qaatay sii-hayaha Safaaradda Maraykanka ee Soomaaliya A.I Shane Dixon iy Taliyaha ciidmaada...

Xog laga helay kulan Qarsoodi ah oo Turkiga ku dhex maray Sh. Shariif iyo Farmaajo

Faahfaahin dheeraad ah ayaa laga helayaa kulan magaalada Ankara ee dalka Turkiga ku dhex maray madaxweynayaashii hore ee Soomaaliya Maxamed C/llaahi Farmaajo iyo Shariif...

Taliye Caan ahaa oo lagu la’ yahay Dagaalkii Cows-weyne iyo Xaaladii…

Ehelka Sarkaal Sare oo ka tirsan ciidamada dowladda Soomaaliya ayaa sheegay inay la' yihiin Taliye ciidamada ka mid ahaa ciidaadii ku sugnaa aagga...

Dowladda Somaliya Shirkad Shiinees ah u kordhisay Heshiis Kalluumeysi oo mugi ku jiray

Xukuumadda Federaalka Soomaaliya ayaa heshiis shatio Kalluumeysi u cusbooneysiisay shirkad dalka China ka socota oo hore dowladii hore ay u siisay shatiyo kalluumeysi oo...

AKHRISO QORMOOYINKA KALERELATED
Recommended to you