Madaxweynaha Somaliland Muuse Biixi Cabdi ayaa shaaciyey in maamulkiisa uu ka laabtay heshiiskii Garoonka Diyaaradaha magaalada Berbera loogu wareejiyey dowladda Imaaraadka Carabta, kaasoo ka mid aha saldhig ciidan uu Imaaraadku leeyahay.
Isagoo ka hadlayey magaalada Berbera ayuu madaxweynaha Somaliland sheegay in qorshaha dib ula wareegista Garoona Berbera uu yimid kadib wadatashi dheer, islamarkaana Somaliland ay ka baxday heshiiskii dowladda Imaaraadka Carabta ay kula gashay dhismaha Saldhigga ciidan ee Berbera.
Wuxuu sheegay in Garoonka magaalada Berbera dib loo dhisi doono oo uu noqon doono midka ugu weyn Bariga Afrika. “Garoonkii Berbera ee in badan laga murmaayey ee Imaaraadku dhisayeen ee la-lahaa waa ciidan iyo ciidankani muxuu yahay, Ciidankii waan ka wareejiyey oo waa Shibil Maanta” ayuu yiri Madaxweyne Muuse Biixi Cabdi.
Ma jirto faahfaahin kale oo laga bixiyey iyo halk uu ku dambeeyay heshiiska Saldhigga milateri ee Imaaraadku ka doonayey Berbera, iyadoo dhinaca Imaaraadka laga yaabo inuu heshiiskaasi oo markii horeba qarsoodi ahaa uu ka baxay.
