Nin dhalinyaro oo Middi ku hubeysnaa, kuna dhawaaqayey ‘Allaahu Akbar’ ayaa dilay Macalin Iskuul oo bandhig u sameeyay sawiro gacmeed lagu aflagaadeynayo Rasuulka SCW.
Macalinka la gowracay oo lagu magacaabo Samuel Paty ayaa la sheegay inuu Dugsiga Dhexe ka dhigi jiray maadada taariikhda, isla markaana uu furay dood ku saabsan sawirrada laga sameeyay Nebi Muxamed NNKH, isagoo Bandhig kusoo bandhigay sawirr gacmeedyo aflagaado ah oo laga sameeyay Nebi Muxamed NNKH.
Wiilka weerarka geysatay oo magaciisa lagu sheegay Aboulakh A ayaa Middi ku weerarray Macalinka degaanka Conflans-Sainte-Honorine ee Magaalada Paris, waxaana uu dhow jeer Toorey la dhacay Macalinka, kadibna uu dhuunta ka gowracay, waxaana ninka weerarka geystay toogasho ku dhaawacay ciidamada Booliska, isagoo markii danbe u geeriyooday dhaawicii.
Wiilka dilka geystay ayaa da’diisa lagu sheegay 18 sano jira ku dhashay magaalada Moscow ee dalka Ruushka, xiriirna la lahaa iskuulka, waxayna wararku sheegeen inuu kasoo jeedo Chechnia.
Madaxweynaha Faransiiska Emmaunel Macron ayaa ku eedeeyay weerarka inuu ka danbeeyay xagjir islaami ah, iyadoo dalka Faransiiska uu noqday glob si weyn looga faafiyo naceybka islaamka.
