Madaxweynaha Koonfur Galbeed C/casiis Xasan (Lafta-gareen) ayaa xaflad ka dhacday magaalda Baydhaba shahaado ku guddoonsiiyey xildhibaannada labada Aqal ee laga soo dooray K/Galbeed.

Xildhibaannada ayuu mid mid u guddoonsiiyey shahaado la sheegay inay tahay mid KMG ah oo maamulkiisu bixiyey, waxaana xildhibaannada ku jira qaar ay kuraastooda hakiyeen Guddiga Doorashada Heer Federaal oo dacwad ka taallo.

77 xildhibaan ee labada Aqal uga soo galay K/Galbeed ayaa la sheegay in intooda badan uu C/casiis lafta-gareen kusoo saaray dhaqaale uu bixiyey madaxweynaha xilkiisu dhammaaday ee Maxamed C/llaahi Farmaajo.