Wararka laga helayo magaalada Muqdisho aya sheegaya in maleeshiyo ka tirsan Alshabaab ay caawa weerar ku qaaday degmada Kaxda ee magaalada Muqdisho.
Dabley ka tirsan Alshabaab ayaa la sheegay inay dhinac kasoo galeen Saldhigga degmada Kaxda, iyadoo rasaas culus iyo dagaal daqiiqado socday uu dhex maray kooxda weerarka soo qaaday Alshabaab iyo ciidamada maamulka degmada iyo kuwa dowladda ee halkaasi ku sugnaa.
Dadka degaanka ayaa sheegay inay maqleen rasaas culus iyo Qaraxa Bam oo la is weydaarsanayo iyadoo kooxda Alshabaab ay weerar ku soo ekeeyeen saldhiga degmada, waxaana la sheegay in dib loo caabiyey.