Howlgal amni oo ka dhacay magaalada Muqdisho ayaa lagu qabtay shabakad la sheegay inay Alshabab ka tirsan tahay oo ay qorsheyneysay falal amni darro.
Guddoomiyaha Gobolka Banaadir Yuusuf Xuseen Jimcaale ayaa ka hadlay howl-galada Ciidanka Amaanka, isagoo sheegay in Ciidamada amaanka oo maalmihii ugu danbeeyay howlgalo balaaran ka fuliyeen Magaalada Muqdisho.
Wuxuu sheegay in howlgalka lagu burburiyey Shabakad isku xiran oo ka tirsan Maleeshiyaad Al-Shabaab, Hubkii ay ku dhibaataynayeen shacabka iyo Gaadiid.
Sidoo kale ciidamada Amniga ayaa la wareegay 5-guri oo u kireys-neyd shabakadaas katirsaneyd Al-Shabaab oo ku kala yaalla Degmooyinka Heliwaa iyo Deyniile.
