Guddiga Doorashooyinka Jubbaland ee SEIT ayaa shaaciyay guddiga odayaasha ee soo xulaya Ergooyinka laba kursi oo dhowaan lagu dooranayo magaalada Kismaayo.

Liiska Odayaasha iyo xubnaha Bulshada rayidka ee soo xulaya kuraasta HOP029 iyo HOP124 ayaa muujinaya in kursiga laga reebay xildhibaan C/raxmaan Kulmiye Xersi (Dheere) oo horeu gu fadhiyey.

C/raxmaan Dheere ayaa muddo dheer ahaa kaaliyaha iyo gacan-yaraha Agaasimihii hore ee NISA Fahad Yaasiin, waxaana uu isagoo xildhibaan ah ku shaqeynayey sarkaal ka tirsan Hay’adda NISA, iyadoo beesha uu kasoo jeedo ay marar badan ka hor yimid in kursiga uu kasoo wareejiyo degaan doorashadiisa.

Maanta ayaa la diiwaangelinayaa musharixiinta kursigan 124 ee uu hore ugu fadhiyey C/raxmaan Dheere, waxaana kursigan kusoo bixi doono Maxamed Maxamed C/raxmaan Nadiif oo maanta qaatay shahaadda musharaxnimo, horena ugu fadhiyey Baarlamaankii 8-aad.