Waxa maanta ka dhacay magaalada Muqdisho xaflad lagu sheegay in lagu sheegay in dooranayo Xoghayaha Guud ee Ururka Xiriirka Shaqaalaha Soomaaliyeed, taasoo ka mid ahayd heshiis ay si qarsoodi ah u gaareen labadii nin ee isku heystay xilka xoghayaha guud ee ururka Saxafiyiinta Qaranka Soomaaliyeed NUSOJ, heshiisaas oo labad nin ee hore saaxiibada ahaa ay mar kale ku heshiiyeen in Pakistan ururka Shaqaalaha loo doorto, Cumar Faaruuq-na doorashada xigta loogu dib loogu doorto ururka NUSOJ.
Waxaa goobta laga sheegay in xilka Xoghayaha Guud ee Ururka Xiriirka Shaqaalaha Soomaaliyeed ay u tartamayaan saddex musharax oo kala aha:
- Maxamed Ibraahim Bakistaan
- Cabdiraxmaan Xasan Cumar iyo
- Cumar Faaruuq Cismaan oo aan  goobtaba ku sugneyn.
Riwaayadii waxay ku dhamaatay sidii loo diyaariyay waxaana ka shaaciyay in Maxamed Ibraahim Baksitaa nuu  ku guuleystay doorashada, waxaase la yaab leh in masraxiyaddaasi ay goobjoog ka ahaayeen Xildhibaano ka tirsan Baarlamanka Federaalka Soomaaliya iyo Mas’uuliyiin ka socotay Wasaaradda Shaqada iyo Arrimaha bulshada.
Xoghayaha guud ee la shaaciyay in Xiriirka shaqaalaha Soomaaliyeed Maxamed Ibraahim Baksitaan ayaa la xusuustaa inuu hore u sheegay inuusan mar dambe u tartameynin xilka xogyaha guud ee NUSOJ, isagoo taas sabab uga dhigay inuu daalay oo uu doonayo nasasho.
Waxaa xusid mudan inay jiraan ururo kale oo magacan sheegta, isla markaana madaxda dowladda Federaalka iyo Wasaaradaha ay la kala safan yihiin.
HOOS Â DAAWO SAWIRRADA
\
  Sawir Qaade:-Maxamed Cabdullaahi Maxamed
