Qormadan saddexaad ee ka mida qormooyinkeena xiriirka ahaa ee 100-kii maalmood ee Xafiiska ugu horeysay Guddoomiye Yariisow iyo Gobolka Banaadir waxaan ku eegeynaa qaabka uu Gobolka Banaadir u maamulo guddoomiye C/raxmaan Cumar Cismaan Yariisow.
Guddoomiyaha Maamulka G/Banaadiroo ahaa wasiirkii hore ee Warfaafinta C/raxmaan Yariisow, wuxuu maamulka Gobolka Banadir la wareegay aakhirkii bishii Janaayo 2018, isagoo markaas kadib oo hadda laga joogo 4 bilood ku dhaqaaqay arrimo dhowr ah oo keenay in wax la iska weydiiyo inuu xilka ku raagi karo iyo inkale.
Khaladaadka waaweyn ee Guddoomiyaha G/Banaadir ku dhaqaaqay inuu uu xilka Gobolka Banaadir hayey waxaa ka mida:
1- Isku shaandheyn lagu sameeyay agaasimeyaasha G/Banadir oo keentay in beel qura xubno badan ku yeelato qeybta Dakhliga ee Maamulka G/Banadir, [Akhri warkan].
2- Shaqo joojin sabab la’aan agu sameeyay shaqaale badan oo Gobolka loo qaatay xilliyadii ugu danbeeyay ee maamulkii Taabit Cabdi [Akhriso Warkan oo faahfaahsan].
3- Qorshe dib loogu soo nooleynayo Canshuurtii Guryaha Magaalada Muqdisho ee muranka badan ka taagnaa, isagoo heshiis la galay shirkad hore canshuur u qaadi jirtay dowladii hore ee Xasan Sheekh (Akhriso).
4- Qorista shaqaale Shirkad gaar loo leeyahay oo ka bada 40 oo lagu soo daray shaqaalaha Gobolka Banaadir iyo heshiis qarsoodi ah oo lacago ay sheegteen oo deyn ah lagu siinayo oo lala galay.
5- Lacagta Maamulka G/Banaadir si joogto ah loogu isticmaalo laguna bixiyo ololaha xukuumadda Soomaaliya iyo shirar iyo xaflado aan dhammaad lahayn oo si joogto ah loo qabto [Akhriso faahfaahin]
6- Kala qeybin madaxda maamulka G/banaadir, isagoo xilka guddoomiye ku xigeenka koowaad ka dhigtay guddoomiye ku xigeenka labaad, iskana fogeeyay xubnaha maamulka ee lala magacaabay marka laga reebo ku xigeenkiisa Maamulka iyo Maaliyadda. [Akhri Warbixinta]
7- Magacaabid xilal badan oo kaliya laga rabo in lagu naas-nuujiyo saaxiibo iyo shaqsiyaad aan loo heyn wax ay ka qabtaan Maamulka Goboka Banaadir. [Akhriso Warkan]
Guddoomiyaha xilka ku magacaaban oo aamisanaa inuu xilkan u dhiibtay Ra’iisal wasaaraha, wax walibana u sameyn jiray sidii uu u heli lahaa raali ahaanshihiisa, ayaa ku soo baraarugay in olole iyo cadaadis uga yimid xafiiska Madaxweynaha, taasoo keentay inuu muddooyinkii ugu danbeeyay isku dayo inuu u dhowaado Madaxweynaha, isagoo soo nooleeyay fulinta Wareegto Madaxweyne Farmaajo soo saaray intii aan xilka loo magacaabin. [FAAHFAAINTA KA AKHRISO HALKAN]
LA SOCO QORMADA XIGTA..
AKHRISO QORMADII HORDHACA
AKHRISO QORMADII KOOWAAD
AKHRISO QORMADII LABAAD
LA SOCO QORMADA 4-AAD
Qormada xigta waxaan ku faaqidi doonnaa heerka uu gaarsiisan yahay musuqa ka jira G/Banadir iyo Dhulal Dan guud ah oo uu bixiyey Guddoomiye Yariisow mudadii yareyd ee uu xilka hayay…
