Guddoonka Golaha Shacabka Soomaaliya ayaa soo farageliyay muranka ka taagan maqaamka Gobolka Banaadir iyo xiisadda siyaasadeed ee hareysay Madaxtooyada Soomaaliya iyo Maamulka G/Banaadir.
Qoraal kasoo baxay Guddoonka Golaha Shacabka ayaa ku baaqay in la dhowro Dastuurka iyo dowladnimada, iyadoo go’aan gaaarista maqaamka Caasimaduna ay tahay Awood u gaar ah Barlamaanka Federalka Soomaaliya, sida lagu yiri qoraalka Galabta kasoo baxay Guddoonka Golaha shacabka.
Qoraalka ayaa soo xigtay Qodobka 9aad ee Dastuurka Ku-Meel Gaarka oo u qoran: “Maqaamka magaalo-madaxda Federaalka Soomaaliya waxaa go’aan looga gaari doonaa dib-u-eegidda Dastuurka, waxaana sharci gaar ah ka soo saari doona labada aqal ee Baarlamaanka Federaalka Soomaaliya”.
HOOS KA AKHRISO QORAALKA
