Wararka laga helayo degmada Aadan Yabaal ee Gobolka Sh/Dhexe ayaa sheegaya in halkaasi lagu arkay Godad waaweyn oo Alshabaab ku aaseen Meydad badan oo loo maleynayo inay maleeshiyadooda ka tirsanaayeen.
Ciidamada dowladda ayaa tegay dhufeysyo Alshabaab ka qoteen degmada Aadan Yabaal, waxaana lasoo bandhigay godad waaweyn oo qaarkood meydad ku jiraan balse aan si fiican loo aasin, waxaana socday howl lagu aasayo meydadkaasi oo isbedelay.
Qaar ka mida saraakiisha dowladda ayaa sheegay in Alshabaab markii ay ka baxayeen Aadan Yabaal ay meydadaasi godad waaweyn ku shubeen, iyag oo aanan kala saarin, kana cararreen.
Lama oga xaqiiqada Meydadka loogu tegay degmada Aadan yabaal oo Alshabaab aysan ku dagaalamin, balse waxay u ahayd xarun ay geysteen dhaawacyadooda, ayna joogaan qaar ka mida saraakiishooda sare.
