Wararka laga helayo Gobolka Galgaduud ayaa sheegaya in gabar shalay laga afduubtay magaalada Muqdisho laga helay magaalada Guriceel ee Gobolka Galgaduud.
Hibo Maxamad Xasan oo shalay subaxnimadii koox gaari wadatay ay ka afduubteen xaafadda Shanta Geed ee degmada Howlwadaag ee magaalada Muqdisho, iyadoo markii la afduubtay kadib hal mar so wacday hooyadeed una sheegtay in dad aanay aqoon ay wateen, kadibna damisay telefoonkii.
Wararkii ugu danbeeyay ayaa sheegaya in kooxdii afduubatay ku dejiyeen meel u dhow Koontaroolka ciidamada ee magaalada Guriceel, kadib markii ay ka baqeen inay marsiin waayaan Koontaroolkaasi.
Maamulka Guriceel ayaa lasoo xiriiray qoyska gabadha iyagoo u xaqiijiyey inay hayaan gabadhaasi, iyadoo lal hadshiiyey qoyskeeda.
