Faahfaahin dheeraad ah ayaa kasoo baxeysa dagaal qaraar oo degaanka Goof Gaduud Shabeelow ee duleedka Baydhaba ku dhex maray ciidamada Koonfur Galbeed iyo kuwa Alshabaab.Dagaalka ayaa la sheegay inuu ahaa mid culus oo labada dhinac qasaare ka soo gaaray, waxayn wararku sheegeen in askar gaareysa 5 lagu dilay qarax loo dhigay jidka xilli ay gurmad u ahaayeen Goofgaduud.
Alshbaab ayaa sheegtay inay qabsaday 2 ka mida Gaadiidka dagaalka nooca Cabdi Bilaha loo yaqaan oo ay saaran yihiin laba Qori oo Dhashiike ah, waxaana Afhayeenka Alshabaab C/Casiis Abuu Muscab uu sheegay in ciidamadoodu ay dileen 17 askari.
Dagaalka ayaa qaatay muddo saacado ah, waxayna Alshabaab la wareegeen Degaankii lagu dagaalamay, iyadoo ciidamada Koonfur Galbeed ay rogaal celin isu diyaariyeen. Qasaaraha dagaalka ayaanay jirin cid xaqiijisay.
Goobjooge.com
