Waxaa maalintii saddexaad duleedka magaalada Cadaado ku xayiran 6 ka mida Gaadiidka xamuulka ee waaweyn kuwaasoo laga shakisan yahay xamuulka ay sidaan.
Wasiir ka tirsan garabka Axmed Baasto ee Galmudug oo lagu mnagacaabo Cumar Maxamed Diiriye, ahna Wasiirka Madaxtooyadda ayaa sheegay in Gawaaridaan in Gawaaridaan looga shakisan yahay inay sidaan Hub iyo Saanad, iyadoo loo saaray guddi loogu talagalay inay baaraan.
Wara kala duwan ayaa kasoo baxaya halka ay ku socdaan baabuurta iyo goobta ay ka yimaadeen, wararka qaar ayaa sheegay in laga soo raray dekadda Berbera, halka warar kale ay sheegayeen inay ka yimaadeen Jabuuti.
Darawallada Gaadiidkan ayaa warar kala duwan sheegay iyadoo qaarkood ay ku doodeen inay ku socdaan magaalada Beledweyne, halka kuwo kale laga soo xigtay inay ku sii jeedaan magaalada Muqdisho.
Afhayeenka ciidamo beeleedka gacanta ku haya Gadiidkan Yabaal Xaaji Aadan ayaa sheegay in Gadiidkan aysan weli baarin, iyadoo ay saaran yihiin Konteenato xiran, wuxuuna eedeyn u jeediyey taliyaha qeybta 21-aad oo doonaya inuu kala wareego gaadiidkaasi.
