Dagaal culus ayaa maanta ka dhacay degmada Qoryoolay ee Gobolka Shabeellaha Hoose, kaasoo qasaare xoog leh lagu gaarsiiyey Maleeshiyada Alshabaab.

Dagaalka ayaa qarxay kadib markii Alshabaab weerar ku qaaden Degmada Qoryooley, iyagoo kasoo weerarray dhinaca Degaanka Farsooley ee Waqooyi iyo Waqooyiga bari ee degmada.

War faafisay Warbaahinta Dowladda ayaa lagu sheegay in dagaalka Qoryooley lagu dilay ilaa 30 Alshabaab ah, waxaana dagaalka intii uu socday dahcay Duqeyn cirka ah oo lagu burburiyay gaadiid qaraxyo ay ku soo xireen Khawaarijta iyo kadib markii dib loo celiyay weerarkooda.

Ciidamada degaanka ayaa iska caabiyay weerarka Alshabaab degmada Qoryooley, kadib markii ay gudaha u galeen qeyb ka mida galabta, waxaana dhacay dagaal socday muddo ka badan saacad iyo bar.

Waxaa la xaqiijiyay inay laba qof oo rayid ah ku dhinteen kadib markii madfac ku dhacay xaafad ay dagan yihiin.

Alshabaab ayaa lagu jebiyay dagaalkii ay ku qaadeen degmada Qoryooley, iyadoo meydadkooda lagu arkay goobihii lagu dagaalamay.