Wasiirka Arrimaha Dibadda Axmed Ciise Cawad, ayaa kulan la yeeshay Safiirka Turkiga ee Soomaaliya Mehmet Yilmaz, Safiirkii hore Olgan Bekar oo dhowaan loo magacaabay ergeyga gaarka ee Dowladda Federaalka Soomaaliya iyo Maamulka Somaliland.
Turkiga ayaa dib u soo nooleeyay dadaalka uu ku doonayo in dib loo bilaabo wadahadalladii Soomaaliya iyo Somaliland , isagoo hore u ahaa dalka ugu weyn ee bixiya taageerada iyo fududeynta wadahadallada labada dhinac intii sida rasmifa ah u bilowdeen sanadkii 2012.
Wasiirka Arrimaha Dibadda iyo Iskaashiga Caalamiga ayaa ku qaabilay Safiirka Turkiga iyo Ergeyga gaarka ah hoyga uu ka degan yahay caasimadda, iyagoo is dhaafsaday aragtiyo la xiriira horumarrada xaaladda gobolka, arrimaha dunida iyo mowduucyo kale oo muhiimad gaar ah leh.
Dowladda uu hoggaamiyo madaxweyne Famaajo ayaa muddo 2 sano oo ay talada heyso waxay hakisay wadahadalladii Somalia iyo Somaliland, arrintaas oo si weyn loogu eedeeyay.
