Dowladda Soomaaliya ayaa sheegtay in Duqeyn ay la kaashatay Beesha Caalamka lagu dilay tobanaan ka tirsan Alshabaab, markii howlgal laga fuliyay Gobolka Hiiraan.
Warka Dowladda Soomaaliya ayaa lagu yiri:”In ka badan 60 ka tirsan Khawaarijta ayaa lagu dilay howlgal ay iska kaashadeen Ciidanka Qaranka iyo saaxiibada caalamiga ah oo ka dhacay Tuulada Hilow Bacaad oo 8 KM dhinaca Koonfur Galbeed ka xigta deegaanka Halgan ee gobolka Hiiraan”.
Sidoo kalw waxaa Warsaxaafadeedka lagu sheegay in howlgalkaan lagu beegsaday horjoogayaal iyo maleeshiyaad isku aruursanayey Tuuladaan , iyago isku diyaarinayay inay u gudbaan qeybo ka mid ah bartamaha Soomaaliya.
Duqeynta oo aan a sheegin inay fuliyeen Diyaaradaha Drone-ka ee Mareykanka ama Turkiga ayaa sidoo akle lagu burburiyay Saanado Ciidan iyo Gaari Dameero ay ku wadeen Hub iyo waxyaabaha Qarxa.
